ڕێککەڤتی ٢٨/٨/٢٠٢٢ ب ئامادەبوونا ڕێڤەبەرا سەنتەرێ گەشەپێدان بۆ کاری ل زانکۆیا زاخۆ (م. بێریڤان محمد احمد) و فەرمانبەرێ سەنتەری (م. عبدللە حاجی احمد) باوەرنامێن ڕێز و سوپاسیێ هاتنە پێشکێشکرن بۆ ماموستایێن فێرکرنا زمانێ ئینگلیزی یێن (گروپێ پەیڤین) ژ لایێ سەنتەری ڤە و هەروەسان ڕێڤەبەرا سەنتەری ڕێز و سوپاسیێن هاریکارێ سەرۆکێ زانکۆیێ بۆ کاروبارێن قوتابیان ( د. کاروان فهمی سامی) ژی گەهاندنە ماموستایێن هێژا ژبەر ماندیبوون و خزمەتا وان یا بەرچاڤ.

هەژی گوتنێ یە، ماموستایێن ناڤبری پێکڤە وەک گروپەک ب ناڤێ (گروپێ پەیڤین)  کاردکەن ژ پێخەمەت فێرکرنا زمانێ ئینگلیزیێ. و ئەڤ سالە ل ڕێککەڤتی ٢٦/٦/٢٠٢٢ گروپێ ناڤبری ب هەماهەنگی ل گەل سەنتەرێ گەشەپێدان بۆ کاری ل زانکۆیا زاخۆ ڕابوون ب رێکخستنا خولەکا ئونلاین یا فێرکرنا زمانێ ئینگلیزیێ بۆ ئاستێ دەستپێکی. بۆ ماوێ ٦ حەفتیان بەردەوام بوو و ب ڕێکا پروگرامێ زوومی  وانە دهاتنە گوتن ، هەروەسا ئەزموون د ناڤا زانکویێ دا هاتنە کرن. بۆ زانین ١٧٨ قوتابی ژ خولا ئاستێ دەستپێکی یا زمانی ب سەرکەفتییانە دەرچوون.

سوپاسییەکا تایبەت پێشکێشی ماموستایێن هێژا دکەین  ئەوێن دەمێ خۆ یێ زێرین بۆ قوتابیێن مە تەرخان کرین ژ بۆ فێرکرنا وان بێ بەرامبەر.

ماموستایێن خولێ:

م.مایکل ولید گورگیس

م.احمد افدل شریف

م.جەگەرخوین خالد

م.یوسف هاشم جمیل